Lidhur me vrasjen me eksploziv të H.A. në Smolicë të Gjakovës, KALLXO.com ka kontaktuar Policinë dhe Prokurorinë e Gjakovës për të kuptuar nëse ka ndonjë pistë që do të çonte tek autori i dyshuar i vendosjes së eksplozivit në derën e oborrit të shtëpisë së viktimës.
Komandanti i Policisë së Rajonit të Gjakovës, Krist Gjokaj, ka deklaruar për KALLXO.com se trupi i viktimës është në obduksion dhe se janë në pritje për të mësuar rrethanat e ngjarjes.
“Aktualisht nuk kemi as të dyshuar dhe as të arrestuar. Trupi i viktimës është në obduksion për të mësuar rrethanat e ngjarjes. Më tutje nuk kam koment, sepse mund t’i dëmtoj hetimet”, tha Gjokaj për KALLXO.com.
Edhe kryeprokurori i Prokurorisë Themelore në Gjakovë, Ali Selimaj, tha për KALLXO.com se ende nuk ka të dyshuar dhe as të arrestuar lidhur me rastin.
“Ende nuk ka asnjë person që është cilësuar si i dyshuar dhe asnjë person nuk është arrestuar në lidhje me rastin e shpërthimit të bombës në Gjakovë”, tha kryeprokurori Selimaj për KALLXO.com.
Një person me inicialet H.A i moshës 61 vjeçare, ka mbetur i vdekur si pasojë e shpërthimit të eksplozivit në derë të shtëpisë së tij, në orën 08:00 të mëngjesit të sotëm në fshatin Smolicë të Gjakovës./kallxo.com/
Nesër fillon turi i koncerteve të Sabrina Carpenter, Columbu...
Nesër bëhet hapja solemne e Festivalit Ndërkombëtar “E...
Arteta i ashpër në konferencë për media pas ndeshjes me Man ...
Soja nuk është vetëm për vegjetarianë – Proteinat e sa...
Margot Robbie tregon barkun e rrumbullakosur gjatë një paraq...
Muharrem Jashari asiston në ndeshjen e Cherkasyt